ಹುಸಿ ಮುನಿಸೆ,ನಿಜ ಮುನಿಸೆ?

ಹುಸಿ ಮುನಿಸೆ,ನಿಜ ಮುನಿಸೆ?

ಕೋಪಿಸಿಕೊಂಡ ಹೆಂಡತಿಯನ್ನು ರಮಿಸುವ ಪತಿಯ ಮಾತುಗಳಿವು.... :)


ಹುಸಿ ಮುನಿಸೆ,ನಿಜ ಮುನಿಸೆ?
ತರವಲ್ಲ ಬಿಡು ಗೆಳತಿ...
ನನ್ನ ದೂರ ತಾಳ್ಳೊ ಮನಸೇ...
ನಗೆ ತೊರೆದ ನಿನ್ನ ಮೊಗದಿ

ಚಂದಿರ ಬಂದಾಯ್ತು, ತೆಂಗಿನ ಮೇಲೆ
ಸರಸರನೆ ತೊಡಿಸೆ ತೋಳಿನ ಮಾಲೆ...
ಎದೆ ಬಡಿತ ಹೆಚ್ಚಾಯ್ತು,ಸೊಕಲು ನಿನ್ನ ಜುಮುಕಿ,
ಎಳೆಎಳೆಯಾಯ್ತು ಮನಸಿನಾ ಗಮಕಿ

ಈ ಮೌನವ ಇಂದಿಲ್ಲೆ ಮುಗಿಸೇ,
ಹಾಡೊಂದು ಮೊಳಗಿದೆ ಈ ಮನದಿ


ಕೆಂಪಾದ ತುಟಿಯಲ್ಲಿ,ವೀಳ್ಯ ಕೆಂಪು
ದುರ್ಗಿಯ ಕ್ಷಣ ಮರೆತು, ತಾರೆಯ ತಂಪು
ಹೊದಿಸಲೆ ನಿಂಗೆ ಪ್ರೀತಿಯ ಚಾದರ
ಎಣಿಸಿ ಪೋಣಿಸಲೇ ಮುತ್ತು ಸಾವಿರ

ಮಲ್ಲೇ ಹೂವ ನೀ ಮುಡಿಸೆ,
ಮುತ್ತಿಟ್ತ ನಿನ್ನ ಮುಡಿಗೆ